કપિલ પટેલ દ્વારાઅરવલ્લી
સમગ્ર રાજયમાં સોમવારથી “૧૫ થી ૧૮ વર્ષના વય જુથના” બાળકોનું કોવિડ-૧૯ રસીકરણ ” હાથ ધરાયું છે જે અંતર્ગત અરવલ્લી જિલ્લામાં પ્રથમ દિવસે ૧૭૯૪૨ વિધાર્થીઓને રસીકરણથી આવરી લેવાયા હતા જયારે દ્વિતીય દિવસે ૧૩૩૯૦ કિશોર-કિશોરીઓનું રસીકરણ કરવામાં આવ્યું હતું.
અરવલ્લી કલેક્ટરશ્રી ડૉ.નરેન્દ્રકુમાર મીણાના માર્ગદર્શન હેઠળ જીલ્લાની ૧૭૦ શાળાઓના અંદાજિત ૬૦ હજાર કરતા વધારે બાળકોને રસીકરણથી આવરી લેવા ૨૧૮થી વધુ આરોગ્યની ટીમોની રચના કરવામાં આવી છે. પ્રથમ દિવસે ૧૭૪૯૨ વિધાર્થીઓનું રસીકરણ કરવામાં આવ્યું હતું જયારે દ્વિતીય દિવસે બાયડના ૩૪૬૭, ભિલોડાના ૨૦૧૪,મોડાસાના ૩૨૦૨, ધનસુરાના ૯૬૭, મેઘરજના ૨૨૭૨ અને માલપુરના ૧૪૬૮ મળી જિલ્લાના કુલ ૧૩૩૯૦ તરુણ-તરૂણીઓનું કોવિડ-૧૯ અંતર્ગત રસીકરણ કરવામાં આવ્યું હતું જેમાં ૭૧૮૦ કિશોર અને ૬૪૬૫ કિશોરીઓનું સમાવિષ્ટ થાય છે.
