ગાંધીનગર, સંજીવ રાજપૂત:VGGS-૨૦૨૪ અંતર્ગત હેલિપેડ, ગાંધીનગર ખાતે બે લાખ ચોરસ મીટર વિસ્તારમાં આયોજિત દેશના સૌથી વિશાળ ‘વાયબ્રન્ટ ગુજરાત ગ્લોબલ ટ્રેડ શો’ની આજે ગુજરાતના શિક્ષણ મંત્રી ડૉ.કુબેરભાઈ ડિંડોરે મુલાકાત લીધી હતી.
આ વેળાએ મંત્રી ગુજરાતના શિક્ષણ વિભાગ દ્વારા હોલ નં ૧૧ ખાતે ઊભા કરવામાં આવેલા આકર્ષણો વિશે માહિતી રસ પૂર્વક મેળવી, વિભાગ દ્વારા શરૂ કરવામાં આવેલ નવા ઇનિશેટીવ અને સિદ્ધિઓ સંદર્ભે આયોજીત પ્રદર્શનને રસ પૂર્વક નિહાળ્યું હતું.
મંત્રીએ સ્કૂલ ઓફ એકસેલેનસ અને વિદ્યા સમીક્ષા કેન્દ્રના પ્રદર્શન ખાતે સ્માર્ટ ક્લાસરૂમ, G-Shala, કોમ્યુટર લેબ, STEM લેબ વિશે માહિતી મેળવી હતી. આ ઉપરાંત જીટીયુ, વિવિધ સ્ટાર્ટ અપ સ્ટોલની મુલાકાત લઈ પ્રદર્શનો સાથે સંવાદ કર્યો હતો.
