Breaking NewsLatest

અમદાવાદ જીલ્લાના ૫૪ પોલ્ટ્રી ફાર્મમાં સ્થિતિ નિયંત્રણ હેઠળ. ભોપાલ લેબમાં મોકલાયેલા ૨૫૦ સેમ્પલ નેગેટિવ

અમદાવાદ: સમગ્ર દેશમાં બર્ડ ફ્લુની દહેશતના પગલે ગુજરાતમાં સંભવિત રોગચાળાને નાથવા માટે અનેક પગલાંઓ લેવામાં આવી રહ્યા છે.અમદાવાદ જીલ્લામાં રજીસ્ટર્ડ થયેલા પ૪ જેટલાં પોલ્ટ્રી ફાર્મમાં અગમચેતીના ભાગરૂપે સર્વે કરવામાં આવી રહ્યો છે.

અમદાવાદ જીલ્લા પશુપાલન શાખાના નાયબ નિયામકશ્રી સુકેતુભાઈ ઉપાધ્યાયે જણાવ્યું કે જીલ્લામાં બર્ડ ફ્લુ રોકવાના તમામ પ્રયત્નો કરવામાં આવી રહ્યા છે. તકેદારીના ભાગરૂપે કાંકરિયા અને નળસરોવરમા આવેલ યાયાવર પક્ષીઓના ર૫૦ જેટલાં સેમ્પલ પરીક્ષણ અર્થે ભોપાલ વાઈરોલોજી લેબમાં મોકલવામાં આવ્યા હતા.જેમાથી એકપણ પક્ષીનો રીપોર્ટ પોઝીટીવ આવેલ નથી.તેથી હાલની પરિસ્થિતિએ કોઈપણ શંકાસ્પદ પક્ષી નોંધાયેલ નથી.
જીલ્લામા ૧૬ ટીમો દ્વારા ૧૬ પશુ ચિકિત્સા અધિકારી અને ૬૦ પશુધન નિરીક્ષકો દ્વારા સતત સર્વેની કામગીરી હાથ ધરવામાં આવી રહી છે તેઓ કોઈપણ પરિસ્થિતિમાં પહોંચી વળવા માટે જરુરી દવાઓ અને સાધનો સાથે ખડેપગે સેવામા તૈયાર રહ્યા છે. કોઈપણ શંકાસ્પદ પક્ષી દેખાય તો સરકારી ગાઈડલાઈન્સ મુજબ તકેદારીના પગલાં લેવામાં આવશે.
જીલ્લા પશુપાલન તંત્રએ નાગરિકોને અનુરોધ કર્યો છે કે ક્યાંય પણ ૧૦ કે તેથી વધુ પક્ષીઓના મૃતદેહ મળી આવે તો તુરંત પશુપાલન વિભાગ અને વનવિભાગને જાણ કરવાની રહેશે.

GExpressNews | The latest news from India and around the world. Latest India news on Bollywood, Politics, Business, Cricket, Technology and Travel.

Related Posts

વડોદરામાં નર્મદા નિગમે કેનાલો ઉપર ૧૩ કિમિ. લંબાઇમાં સોલાર પેનલથી ૨૯.૫૧ મિલિયન યુનિટ સ્વચ્છ વીજળી ઉત્પન્ન કરી

ગાંધીનગર, સંજીવ રાજપૂત: કેનાલો ઉપર સોલાર પેનલ બેસાડી સૌર ઊર્જા ઉત્પન્ન કરવા માટે…

કેન્દ્રીય મંત્રી ડૉ. મનસુખ માંડવિયા તા. ૧૫ સપ્ટેમ્બર, રવિવારના રોજ રાજકોટ તથા સુરેન્દ્રનગર જિલ્લાના પ્રવાસે

ડૉ. મનસુખ માંડવિયા ગુજરાતના રાજકોટમાં પશ્ચિમના રાજ્યો/કેન્દ્રશાસિત પ્રદેશો સાથે…

1 of 662

Leave A Reply

Your email address will not be published. Required fields are marked *