એબીએનએસ, ચાણસ્મા: પાટણ જિલ્લાના ચાણસ્મા તાલુકાના કેશણી ગામે નિવૃત્ત શિક્ષકના બંધ રહેલ ઘરમાં હાલ તહેવારોના દિવસોમાં ઘરના અંદર રહેલ તિજોરી તોડી અંદરથી ચાંદી સોનાના કીમતી ઘરેણાની ચોરી કરી ગયા. કેશણી ગામના નિવૃત શિક્ષક તુલસીભાઈ ગોવાભાઇ પટેલ તા: 20/10/2024 ના રોજ ઘર બંધ કરી બહાર ગામ મહેસાણા ખાતે ગયા હતા.
મહેસાણાથી પરત આવીને જોતા ઘરનો દરવાજો તૂટેલો અને બંધ લોક કરાવેલું દરવાજા ઉપર જોયું હતું. તુલસીભાઈ અંદરથી ઘર જોતા પોતાની તિજોરી તૂટેલી અને ઘરનો સામાન વેરવિખેર પડેલો જોવા મળ્યો હતો. ચોરોએ તિજોરીમાં મુકેલા રૂ.30,000 રોકડા, સોનાંના દાગીના અને ચાંદીના સિક્કા કિંમત રૂ.1,82,000 ચોરી કરી પલાયન થઈ ગયા હતા.
જે અંગે તેઓએ ચાણસ્મા પોલીસ સ્ટેશન ખાતે ફરિયાદ નોંધાવી છે અને પોલીસે વધુ તપાસ હાથ ધરી છે.
