પશ્ચિમ રેલવેના ભાવનગર મંડળ દ્વારા સ્વચ્છતા હી સેવા–2026 અભિયાન અંતર્ગત 17 ઑક્ટોબર, 2026ના રોજ ભાવનગર ટર્મિનસ ખાતે મુસાફરો સાથે જનસંવાદ કાર્યક્રમનું આયોજન કરવામાં આવ્યું હતું. આ પહેલનો મુખ્ય ઉદ્દેશ રેલવે પરિસર અને ટ્રેનોમાં સ્વચ્છતા પ્રત્યે જાગૃતિ વધારવાનો તેમજ મુસાફરોને સ્વચ્છતા સંબંધિત પ્રવૃત્તિઓમાં સક્રિય ભાગીદારી માટે પ્રેરિત કરવાનો હતો.
કાર્યક્રમ દરમિયાન વરિષ્ઠ મંડળ વાણિજ્ય પ્રબંધક (Sr. DCM) શ્રી અતુલ કુમાર ત્રિપાઠીએ મુસાફરો સાથે સીધો સંવાદ સાધીને સ્વચ્છતાના મહત્ત્વ પર પ્રકાશ પાડ્યો હતો. તેમણે મુસાફરોને કચરાનો યોગ્ય નિકાલ કરવા, રેલવે પરિસરને સ્વચ્છ રાખવા તથા જાહેર સ્થળોએ સ્વચ્છતા પ્રત્યે પોતાની જવાબદારી નિભાવવા માટે પ્રોત્સાહિત કર્યા હતા.
જનસંવાદ દ્વારા મુસાફરોને સંદેશ આપવામાં આવ્યો હતો કે સ્વચ્છ અને સ્વસ્થ રેલવે પરિસરના નિર્માણમાં રેલવે પ્રશાસનની સાથે દરેક મુસાફરની ભાગીદારી પણ મહત્ત્વપૂર્ણ છે. કચરાને નિર્ધારિત સ્થળે જ નાખવો, બિનજરૂરી ગંદકી ન ફેલાવવી અને પોતાની આસપાસ સ્વચ્છતા જાળવવી જેવી નાની-નાની આદતો સ્વચ્છ મુસાફરીનું વાતાવરણ ઊભું કરવામાં મહત્ત્વપૂર્ણ યોગદાન આપે છે.
ભાવનગર મંડળ દ્વારા સ્વચ્છતા હી સેવા–2026 અભિયાન અંતર્ગત જનભાગીદારીને પ્રોત્સાહન આપવા તથા મુસાફરોમાં સ્વચ્છતા પ્રત્યે સકારાત્મક દૃષ્ટિકોણ વિકસાવવા માટે સતત પ્રયાસો કરવામાં આવી રહ્યા છે. આ પ્રકારના જનસંવાદ કાર્યક્રમો રેલવે પ્રશાસન અને મુસાફરો વચ્ચે સહયોગને મજબૂત બનાવવાની સાથે સ્વચ્છતાને જનઆંદોલન બનાવવાની દિશામાં મહત્ત્વપૂર્ણ ભૂમિકા ભજવે છે.
ભાવનગર મંડળના મંડળ રેલવે પ્રબંધક શ્રી દિનેશ વર્માએ તમામ મુસાફરોને અપીલ કરી છે કે તેઓ સ્વચ્છતાને પોતાની દૈનિક આદતનો ભાગ બનાવે અને સ્વચ્છ, સુંદર તથા સ્વસ્થ રેલવે પરિસરના નિર્માણમાં સક્રિય યોગદાન આપે. તેમણે સ્વચ્છતા પ્રત્યેની સામૂહિક જવાબદારી નિભાવવા અને રેલવે પરિસરને સ્વચ્છ રાખવામાં સહયોગ આપવા સંદેશ આપ્યો હતો.
પશ્ચિમ રેલવે, ભાવનગર મંડળ મુસાફરોને સ્વચ્છતા અભિયાનમાં સક્રિય ભાગીદારી નિભાવવા અને ‘સ્વચ્છ રેલ, સ્વચ્છ ભારત’ના સંકલ્પને સાકાર કરવામાં સહયોગ આપવા અપીલ કરે છે.
