નુતનસિંહ ગોહિલ દ્વારા પ્રેરિત સુપોષણ જ્યોત પદયાત્રાનો પ્રારંભ
પાલીતાણા તથા જેસર પંથકમાં 51 કિલોમીટરની 18 ગામોમાં સુપોષણ જ્યોત પદયાત્રામાં જોડાવા લોકો ઉત્સુક રહ્યા છે.
પાલીતાણા તાલુકાના અને જેસર તાલુકાના ગ્રામ્ય વિસ્તારમાં નુતનસિંહ ગોહિલ દ્વારા પ્રેરિત સુપોષણ જ્યોત પદયાત્રાનો પ્રારંભ બીજું નોરતું તારીખ 12 ઓક્ટોબર 2026 ના રોજ સવારે 8:30 કલાકે સાધુ સંતો સામાજિક અગ્રણીઓ શૈક્ષણિક સંસ્થાઓ રાજકીય વ્યક્તિઓની વિશેષ ઉપસ્થિતિમાં ન્યુ ગોલ્ડ સ્કુલ મહુવા રોડ,જેસર ખાતેથી પ્રસ્થાન કરવામાં આવશે જેમાં વિવિધ સમાજને શૈક્ષણિક સંસ્થાઓ દ્વારા યાત્રાનું સ્વાગત કરવા માટે લોકોમાં ઉત્સાહ જોવા મળી રહ્યો છે.
સુપોષણ જ્યોત પદયાત્રામાં ગત વર્ષે પણ નુતનસિંહ ગોહિલ દ્વારા યોજવામાં આવેલ.બાળકોમાં સુપોષણનું પ્રમાણ જળવાઈ રહે અને કુપોષિત બાળકો કોઈ રહે નહીં તે માટે વાલીઓમાં જનજાગૃતિ આવે અને પૌષ્ટિક આહાર નો આગ્રહ રહે તે માટે 500 દિવસથી વધારે સમયથી નુતનસિંહ ગોહિલ દ્વારા વાલીઓનો સંપર્ક કરી તેમની સાથે સંવાદ કરીને અભિયાન ચલાવવામાં આવી રહેલ છે.
1000 દિવસ સુધી આ અભિયાન ચલાવવાનો તેમનો સંકલ્પ છે અને ગત વર્ષે આ અભિયાન શરૂ કરવામાં આવેલ ત્યારથી કુપોષિત બાળકોની સંખ્યામાં 90% નો ઘટાડો જણાય આવતા તેમના અભિયાનને પૂરું બળ મળતા આ વર્ષે પણ તારીખ 12.10. 2026 ના રોજ પદયાત્રાનો પ્રારંભ કરશે અને જેસર તથા પાલીતાણા તાલુકા ના મળી કુલ 18 ગામમાં યાત્રા કરવામાં આવશે.
આ યાત્રા દરમિયાન સુપોષિત બાળકોનું તથા આંગણવાડી વર્કર હેલ્પર મહિલાનો સન્માન કરવામાં આવશે.સાથે સાથે ગામમાં સૌથી વધુ ઉંમરના વૃદ્ધાનુ અને ગામમાં સૌથી ઉચ્ચ શિક્ષણ પ્રાપ્ત કરેલ દીકરીનું સન્માન તથા પ્રાકૃતિક ખેતી કરતા ખેડૂતનું સન્માન કરવામાં આવશે.આમ આ પદયાત્રા આમ આ પદયાત્રા જેસર થી શરૂ કરી રાણપડા ચોક,રાજપરા ગંગાસતીના,ચિરોડા,સનાળા, અયાવેજ – ૧,અયાવેજ – ૨,જુના પાદર,ચોક,મોરચુપણા,કદમગીરી, સાતાનાનેસ,ભંડારીયા, પાંડેરિયા,વડાળ,ભુતડીયા ગામે ફરી ઉ.બુ.વિદ્યાલય, શેત્રુંજી ડેમ,પાલીતાણા ખાતે આ યાત્રાનું સમાપન થશે.આ બીજી વખતની સુપોષણ જ્યોત પદયાત્રા યોજીને જનજાગૃતિ માટેનું કાર્ય થઈ રહેલ હોય સાધુ સંતો, મહિલાઓ,વિવિધ સંસ્થાઓ સહિત ગ્રામ પંથકમાં જોડાવા લોકો ઉત્સુક જણાવી રહ્યા છે.
