જુલેલાલ સાહેબની જન્મ જયંતીની ભવ્ય ઉજવણી પાલીતાણાના સિંધી સમાજ દ્વારા કરવામાં આવી

પાલીતાણા ના ગારીયાધાર રોડ પર આવેલ ઉડેરો ધામ ખાતે દર વર્ષની પરંપરાગત જુલેલાલ સાહેબની જન્મ જયંતીની સિંધી સમાજ દ્વારા ભવ્ય ઉજવણી કરવામા આવી

જેમા સવારથી ઉડેરો ધામ ખાતે ભાવિ ભક્તો પૂજા અર્ચના અને દર્શન માટે ઝૂલેલાલ મંદિરમા ઉમટી પડ્યા હતા અને સિંધી સમાજ દ્વારા સવારથી અલગ અલગ ધાર્મિક કાર્યક્રમોનું આયોજન કરવામાં આવ્યું હતું

જેમાં સવારે ૧૦ કલાકે જુલેલાલ મંદિરથી ભવ્ય શોભયાત્રા પણ કાઢવામાં આવી અને આ શોભાયાત્રા ઝૂલેલાલ મંદિરથી શરૂ કરી બાયપાસ રોડ , બાપા સીતારામ ચોક , બસ સ્ટેન્ડ રોડ , ભૈરવનાથ ચોક , મેઈન બજાર , તળેટી રોડ થઇને , ઝૂલેલાલ મંદિરમાં શોભાયાત્રાની પૂર્ણાહુતિ કરવામાં આવી

જેમા જુલેલાલ સાહેબની શોભા યાત્રાને લઈને શહેરના મુખ્ય માર્ગો પર ઠેર ઠેર પ્રસાદીનું અને ઠંડા પાણી નું આયોજન પણ કરવામાં આવ્યું હતું અને સિંધી કેમ્પ વિસ્તારમાં આવેલ ઝુલેલાલ મંદિર ખાતે સાંજના મહા આરતી તેમજ મહાપ્રસાદીનું પણ આયોજન કરવામાં આવ્યું છે જેના કારણે પાલીતાણાના સિંધી સમાજના લોકોમાં ભારે ખુશી જોવા મળી હતી

રીપોર્ટ વિજય જાદવ પાલીતાણા