પશ્ચિમ રેલવેના મહિલા કલ્યાણ સંગઠન, ભાવનગર મંડળ દ્વારા સામાજિક અને સાંસ્કૃતિક પ્રવૃત્તિઓને પ્રોત્સાહન આપવાની પોતાની સતત પહેલ અંતર્ગત તા. 26 ફેબ્રુઆરી, 2026 (ગુરુવાર)ના રોજ ભાવનગર રેલવે કમ્યુનિટી હોલ ખાતે બાળકો અને પરિવારજનો માટે મનોરંજક તથા સર્જનાત્મક કાર્યક્રમનું સફળ આયોજન કરવામાં આવ્યું હતું.
કાર્યક્રમનું આયોજન મંડળ રેલવે પ્રબંધક શ્રી દિનેશ વર્માના માર્ગદર્શન હેઠળ પશ્ચિમ રેલવે મહિલા કલ્યાણ સંગઠન ભાવનગર મંડળની અધ્યક્ષા શ્રીમતી શાલિની વર્માના દ્વારા કરવામાં આવ્યુ હતું.
કાર્યક્રમ અંતર્ગત યોજાયેલા પપેટ શો અને મેજિક શોએ પોતાની ઉત્તમ રજૂઆત, સર્જનાત્મકતા અને આકર્ષક શૈલી દ્વારા ઉપસ્થિત બાળકો અને દર્શકોનું ભરપૂર મનોરંજન કર્યું હતું. બંને રજૂઆતોને દર્શકો તરફથી ખૂબ પ્રશંસા પ્રાપ્ત થઈ અને સમગ્ર કાર્યક્રમ દરમિયાન ઉત્સાહપૂર્ણ વાતાવરણ જોવા મળ્યું હતું.
પશ્ચિમ રેલવે મહિલા કલ્યાણ સંગઠન ભાવનગર મંડળની અધ્યક્ષા શ્રીમતી શાલિની વર્માએ પપેટ શોના કલાકારોના ઉત્તમ પ્રદર્શનની પ્રશંસા કરતાં તેમને ₹2100/-નું રોકડ ઇનામ આપી સન્માનિત કર્યા હતા. તે જ રીતે પ્રભાવશાળી અને મનોરંજક મેજિક શોના કલાકારોને તેમની શાનદાર રજૂઆત બદલ ₹4000/-નું રોકડ ઇનામ આપી સન્માનિત કરવામાં આવ્યા હતા.
આ પ્રસંગે પશ્ચિમ રેલવે મહિલા કલ્યાણ સંગઠન, ભાવનગર મંડળ દ્વારા સંચાલિત કિડ્સ હટ્સ અને બાલ મંદિર સ્કૂલના બાળકો, શિક્ષકો તેમજ મહિલા કલ્યાણ સંગઠનની સભ્યાઓ સક્રિય રીતે ઉપસ્થિત રહ્યા હતા. કાર્યક્રમમાં બાળકોના વાલીઓએ પણ ઉત્સાહપૂર્વક ભાગ લીધો હતો અને આયોજનને અત્યંત સફળ, પ્રેરણાદાયક તથા બાળકોના સર્વાંગી વિકાસ માટે ઉપયોગી ગણાવ્યું હતું.
ભાવનગર મંડળ દ્વારા આવા કાર્યક્રમો બાળકોમાં સર્જનાત્મકતા, આત્મવિશ્વાસ અને સામાજિક ભાગીદારીને પ્રોત્સાહન આપવા સાથે રેલવે પરિવાર વચ્ચે પરસ્પર સમન્વય અને સકારાત્મક કુટુંબિય વાતાવરણને મજબૂત બનાવવામાં મહત્વપૂર્ણ ભૂમિકા નિભાવી રહ્યા છે.
