લોકસભા સામાન્ય ચૂંટણી ૨૦૨૪ અંતર્ગત જિલ્લા ચૂંટણી અધિકારીશ્રી અને જિલ્લા કલેકટરશ્રી આર.કે.મહેતાના માર્ગદર્શન હેઠળ જિલ્લામાં અનેક મતદાન જાગૃતિના કાર્યક્રમો થઈ રહ્યા છે જે અંતર્ગત મહુવા તાલુકાના મોટી જાગધાર ગામે લગ્નમાં મતદાન જાગૃતિનો સંદેશો આપવામાં આવ્યો હતો.
મતદાન જાગૃતિ કાર્યક્રમ અંતર્ગત મહુવા તાલુકાના મોટી જાગધાર ગામે ક્લસ્ટર કો-ઓર્ડીનેટર મહેશભાઈ જોષી દ્વારા લગ્નમાં આવેલ મહેમાનો અને યજમાનોને મતદાન જાગૃતિ અંગેનો સંદેશો આપવામાં આવ્યો હતો.
જેથી લગ્નમાં આવેલ લોકોને આગામી 7 મે ના રોજ મતદાન કરીને પોતાની ફરજ અદા કરવા અંગે જણાવાયું હતું.આ ઉપરાંત બધાને મતદાન કરવા અંગેના પેમ્પલેટનું વિતરણ પણ કરવામાં આવ્યું હતું.
