– આ રસ્તેથી તારે નહિ નીકળવાનું કહીને માર મારી જાનથી મારી નાંખવાની ધમકી આપી
કપિલ પટેલ દ્વારા અરવલ્લી
પોશીના તાલુકાના આંબાસર ગામે ખેતરના તળાવ નજીથી પસાર થતા રસ્તાના ઝઘડામાં ચાર શખ્સોએ ભેગા થઈ ખેડૂતને માર માર્યા પછી જાનથી મારી નાખવાની ધમકી આપતાં પોશીના પોલીસ સ્ટેશનમાં ફરિયાદ નોધાવતા પોલીસે ગુનો નોંધી આગળની કાર્યવાહી હાથ ધરી છે.
પોલીસે આપેલી જાણકારી મુજબ તાલુકાના આંબાસર ગામના દિનેશભાઈ બાબુભાઈ ગમાર તા. 14 ના રોજ તળાવ નજીક આવેલા તેમના ઘઉંના ખેતરમાં પિયતનું પાણી આપતા હતા જે દરમ્યાન ગામના ભેરાભાઈ પુંજાભાઈ ગમાર અને અન્ય ૩ ઈસમોએ તળાવની પાળ ઉપર ભેગા થઈ અપશબ્દો બોલતા હતા આ રસ્તો અમે કાઢો છે તારે અહીથી રસ્તે નિકળવું નહીં તેમ કહી ખેડૂતને ગાળો આપવામાં આવતાં બંને પક્ષે ગરમા ગરમી થઈ. દરમ્યાન ઉશ્કેરાયેલા ઈસમોએ ખેડૂતને ફેંટ પકડી જમીન ઉપર પટકી માર માર્યો હતો. બનાવ અંગે પોશીના પોલીસ મથકે ભેરાભાઈ પુંજાભાઈ ગમાર લાલજીભાઈ પૂંજાભાઈ ગમાર રૂમાલભાઈ ભૂવાભાઈ ગમાર દોલાભાઈ ભુગથાભાઈ ગમાર વિરુદ્ધ ગુનો નોંધ્યો છે.
