( ચા પાણી મતદારોની પીધી. વિવિધ પ્રશ્ર્નો ઉકેલવાની ખાતરી આપી)
સામાન્ય રીતે ચુંટણીઓમાં ઉમેદવારો મતદારોને રીઝવવા
માટે મસમોટો ખર્ચ કરતા હોય છે. પરંતુ ઊનાના સૈયદ રાજપરા ગ્રા. પં. ના નવનિયુક્ત સરપંચે માત્ર 130 રૂપિયાનો ખર્ચ કરી વિજય મેળવ્યો છે.
સૈયદ રાજપરા ગ્રા. પં. માં 34 વર્ષીય ભરતભાઈ વાઘજીભાઈ કામળીયાએ સરપંચ પદે ઉમેદવારી નોધાવી હતી. અને મિત્રોના સહકારથી તમામ વોર્ડમાં પેનલ બનાવી હતી. સામેપક્ષે પણ સક્ષમ ઉમેદવાર ચુંટણીજંગમાં ઉતર્યા હતા. પરંતુ ભરતભાઈ એ કોઈ નેગેટિવ પ્રચાર કર્યો ન હતો. ફકત એક જ વાત કહી હતી કે પાંચ વર્ષ દરમિયાન અમે શું કરીશું. ચુટણીમાં લોકોએ સારા એવા મતથી વિજય થયો હતો. આ ઉમેદવારે ગામમાં 10 દિવસ સુધી મતદારોને મળી સમસ્યાઓ ની વાત કરી હતી. અને ચુંટાશું તો કામ કરવાનો સંકલ્પ લીધો હતો. મતગણતરી દરમિયાન આ ઉમેદવારનાં ખીસ્સામાં 20 રુપિયા હતા અને તેમની પણ પણ પાણીની બોટલ મંગાવી હતી. સ્લીપ અને બેનરનો ખર્ચ તેમના મિત્રોએ કર્યો હતો. ચુંટણી બાદ આગેવાનો તેમનુ હારતોરા કરી સન્માન કરવા ગયા હતા. પરંતુ ભરતભાઈ એ હાર પહેરવાની ના પાડી કહ્યુ હતું કે, જે પૈસા આ હારનાં થાય તેમનું ઘાસ લઈ ગાયોને ખવડાવજો
આ ઉપરાંત ગામમાં પાણીની સમસ્યા તેમજ શાળામાં શિક્ષકોની ઘટને લી ઉચ્ચકક્ષાએ રજુઆત કરી આ પ્રશ્નન નો હલ કરવાની ખાતરી આપી હતુ.
પાયલ બાંભણિયા
ઉના
