બોલિવુડ અને ટેલિવૂડ ના પ્લેબેક સિંગર જય ગોસાઈ ની પસંદગી…
કપિલ પટેલ દ્વારા અરવલ્લી
વિદ્યાગુરુ ફાઉન્ડેશન દ્વારા આયોજિત એકાદશી પર્વ અંતર્ગત સાહિત્ય, સંગીત અને શિક્ષણ એવોર્ડનુ આયોજન કરાયું હતું,
જેમાં પૂજ્ય મોરારીબાપૂ,. સાથે જાણીતા ઉધોપતિઓ અને સમાજ સેવક પદ્મશ્રી સવજીભાઈ ધોળકિયા, ગુજરાતી સાહિત્ય જગતના વિનોદ જોષી, જયંતીભાઈ ગોહેલ, પ્રણવ પંડ્યા તેમજ નેહલ ગઢવી સહિત મહાનુભાવોની ઉપસ્થિતમાં પૂજ્ય મોરારીબાપુના વરદ હસ્તે પાર્શ્વ ગાયક જયદેવ ગોસાઈને રાવજીભાઈ પટેલ સંગીત યુવા પ્રતિભા અવોર્ડ એનાયાત કરવામાં આવ્યો હતો.
કાર્યક્રમની શરુઆતમા જયદેવ ગોસાઇએ તુલસીદાસ રચિત જય જય જગ જનની સ્તુતિ તેમજ રાવજીભાઈ પટેલ રચિત તમે રે તિલક રાજા રામ ના… રચનાનું ગાન કરી મોરારીબાપુ સહિત ઉપસ્થિત સૌ મહાનુભાવોને પોતાના સુરીલા કંઠ થી મંત્રમુગ્ધ કર્યા હતા.
બોલિવુડ અને ટેલિવૂડ ની અનેક ફિલ્મો અને સિરિયલો માં જયદેવે પોતાની ગાયકી ના અંદાજે ભારતીય ફિલ્મ ઈન્ડસ્ટ્રીઝ ના મહાનાયક અમિતાભ બચ્ચન, સલમાન ખાન , આમીર ખાન જેવા અનેક કલાકારો ની પ્રશંસા મેળવી ચૂકેલા આ સુરીલા ગાયકે અનેક પુરસ્કારો અને એવોર્ડ મળી ચૂક્યા છે , પોતાની આ વિશેષ સિદ્ધિને માં સરસ્વતી અને ગુરૂ મહારાજ ના આશીર્વાદ ની દેન માને છે
