નડિયાદ: વી વી નગર ગ્રુપ એનસીસી હેઠળ નડિયાદ ઇન્ટર બટાલિયન શૂટિંગ સ્પર્ધા J&J કૉલેજ ફાયરિંગ રેન્જ, નડિયાદ ખાતે 08 મે 2023 થી 10 મે 2023 દરમિયાન હાથ ધરવામાં આવી હતી. વીવી નગર એનસીસી ગ્રુપ હેઠળના કુલ 07 એનસીસી યુનિટોએ સ્પર્ધામાં ભાગ લીધો હતો. 28 ગુજરાત બટાલિયન એનસીસી, નડિયાદ 684 પોઈન્ટ સાથે સ્પર્ધા જીતી.
બ્રિગેડિયર આશિષ રંજન, વીએસએમ એ 18 મે 2023 ના રોજ J&J કૉલેજ ફાયરિંગ રેન્જ, નડિયાદ ખાતે આયોજિત એક કાર્યક્રમમાં 28 ગુજરાત બટાલિયન, નડિયાદને ટ્રોફી એનાયત કરી.
ગ્રુપ કમાન્ડરે ફંક્શનમાં શ્રેષ્ઠ ફાયરર્સનું પણ સન્માન કર્યું. તેમણે 01 જૂનથી 08 જૂન 2023 દરમિયાન રાજપીપળા ખાતે યોજાનારી આંતર જૂથ સ્પર્ધા માટે ગ્રુપ ટીમને પ્રેરિત કરી હતી. 12 મે થી 31 મે 2023 દરમિયાન ગ્રૂપ શૂટિંગ ટીમને ફાયરિંગ રેન્જમાં તાલીમ આપવામાં આવી રહી હતી.
કર્નલ સુદીપ સિંઘ, ડેપ્યુટી કમાન્ડર અને શ્રી એચ ઉપાધ્યાય, પ્રમુખ મધ્ય ગુજરાત એક્સ-મેન એસોસિએશન આ કાર્યક્રમ દરમિયાન ઉપસ્થિત રહ્યા હતા.
