મહુવા તાલુકાના કતપર ગામની મુલાકાત લઇ પરિસ્થિતિનો તાગ મેળવ્યો
સંભવિત ‘બિપરજોય’ વાવાઝોડાના પગલે રાજ્યના સામાજિક ન્યાય અને અધિકારીતા તેમજ મહિલા અને બાળ કલ્યાણ મંત્રીશ્રી તેમજ ભાવનગર જિલ્લા પ્રભારી મંત્રીશ્રી ભાનુબેન બાબરીયા હાલ જિલ્લાની મુલાકાતે છે. આજે તેઓ જિલ્લાના દરિયાકાંઠાના વિસ્તારોની મુલાકાતે છે અને અહીંની પરિસ્થિતિનો તાગ મેળવ્યો હતો.
મંત્રીશ્રીએ મહુવા તાલુકાના કતપરખાતે જઈ તૈયારીઓનું નિરીક્ષણ અને સમીક્ષા કર્યા હતા. તેમજ જોખમભરી પરિસ્થિતિમાં લોકોને સલામત સ્થળે ખસેડવાની વ્યવસ્થા અંગે બેઠક કરી હતી. આ તકે જિલ્લા કલેકટરશ્રી આર.કે.મહેતા, જિલ્લા વિકાસ અધિકારી શ્રી પ્રશાંત જીલોવા, પ્રાંત અધિકારીશ્રી, મામલતદારશ્રી, શ્રી અભયભાઈ ચૌહાણ, શ્રી આર. સી. મકવાણા, સહિતના અધિકારીશ્રીઓ ઉપસ્થિત રહ્યાં હતાં.
