બનાસકાંઠા: બનાસકાંઠા જિલ્લા પંચાયત શિક્ષણ સમિતિ સંચાલિત માતૃશ્રી લક્ષ્મીબેન રામચંદ્રભાઈ પંચાલ પ્રાથમિક શાળાનું નામકરણ અને લોકાર્પણ પ્રસંગે માન. શિક્ષણ મંત્રી ડૉ. કુબેર ડિંડોર અને સહકાર રાજ્ય મંત્રી જગદીશ પંચાલની સાથે શાળાના પ્રાંગણમાં રાજ્ય શિક્ષણમંત્રી પ્રફુલ પાનશેરિયા દ્વારા વૃક્ષારોપણ કરવામાં આવ્યું હતું.
આ કાર્યક્રમ દરમ્યાન આવનારી પેઢીઓને રહેવા માટે સ્વચ્છ, સુંદર અને હરિત ભૂમિ આપવા વધુ વૃક્ષ વાવીએ અને સાથે મળી પર્યાવરણનું જતન કરીએ તેવી અપીલ રાજ્ય શિક્ષણમંત્રી પ્રફુલભાઈ દ્વારા કરવામાં આવી હતી.
