આણંદ, ગુરૂવાર :: આણંદના જિલ્લા કલેટરશ્રી પ્રવીણ ચૌધરીની અધ્યક્ષતામાં મામલતદાર કચેરી, તારાપુર ખાતે તાલુકા સ્વાગત કાર્યક્રમ યોજાયો હતો. તારાપુર મામલતદાર કચેરી ખાતે યોજાયેલા આ તાલુકા સ્વાગત કાર્યક્રમ પૂર્ણ કરી જિલ્લા કલેકટરશ્રીએ તારાપુર સબ રજીસ્ટ્રાર કચેરીની આકસ્મિક મુલાકાત લઈ કચેરીમાં આવતા અરજદારો સાથે વાતચીત કરી કચેરીની કામગીરીનું નિરીક્ષણ કર્યું હતુ.
જિલ્લા કલેક્ટરશ્રીએ સબ રજિસ્ટ્રાર કચેરીની કામગીરીની સમિક્ષા દરમિયાન અરજદારોના પ્રશ્નો સંદર્ભે કરવાની થતી કાર્યવાહી તથા કચેરીના મહેકમની સામે કચેરીમાં ઉપલબ્ધ કર્મચારી તથા તેમની કામગીરી સંદર્ભે જરૂરી માર્ગદર્શન આપ્યું હતુ.
તેમણે આ તકે મામલતદાર કચેરીમાં કાર્યરત જન સેવા કેન્દ્ર, આધાર કાર્ડ કેન્દ્રની પણ મુલાકાત લઈ કચેરીની કામગીરી પ્રક્રિયા અંગે કચેરી અધિકારી-કર્મચારીને જરૂરી સૂચન-માર્ગદર્શન આપ્યું હતું.
રિપોર્ટ ભૂમિકા પંડ્યા આણંદ
