10 મી નેશનલ ટુર્નામેન્ટમાં ગુજરાતની ટીમ રનર અપ રહી હતી, એ બહુ ગૌરવ ની વાત છે ટિંકલ પણ આ ટીમનો એક ભાગ હતી એ પરિવાર માટે નહીં સમગ્ર બનાસકાંઠા માટે ગૌરવ લેવા જેવી બાબત છે.
એક સામાન્ય ખેડૂત પરિવારમાંથી આવતી દીકરી છેક નેશનલ સુધી પહોંચે,તમે એનાથી વધારે શું હોઈ શકે .બનાસકાંઠા જિલ્લાના અંતરીયાળ એવા અત્યારે નવા બનેલા હડાદ તાલુકાનાની રાણી ઉંબરી ગામની એક આદિવાસી પરિવારમાં જન્મેલી દીકરીએ અત્યારે રમાઈ રહેલી નેશનલ હોકી ટીમનો ભાગ રહી ને પોતાની ટીમ ને રનર અપ સુધી પહોંચાડી.
દાંતા થી નવા બનેલા હડાદ તાલુકાના રાણી ઉંબરી ગામની ટિંકલ કોદરવીએ અંતરિયાળ વિસ્તારમાંથી આવે છે, નાનપણ થી જ રમત ગમત પ્રત્યેબહુ પ્રેમ અને રુચિ ધરાવે છે.રાની ઉંબરી ગામના અનિલભાઈ કોદરવીની દીકરી જે નાનપણ થી જ પોતાના અને પોતાના પરિવાર માટે કઈ કરવા માગતી હતી
ખેડૂત પરિવારમાં જન્મેલી ટિંકલનો જન્મ તારીખ 11/04/2007 રાની ઉંબરી ગામમાં થયો હતો
પોતાનું પ્રાથમિક શિક્ષણ કેન્દ્રીય આશ્રમ શાળા સનાલીમાં લીધું હતું. નાનપણથી રમત ગમત પ્રત્યે વધારે રસ હોવાથી ધોરણ 6 થી 12 સુધી નો અભ્યાસ દેવગઢ બારિયામાં કર્યો હતો
માત્ર 10 વર્ષ ની ઉમરે જ ટ્વિંકલે હોકી રમવાની શરૂઆત જિલ્લા લેવલેથી કરી હતી.જિલ્લા લેવલેથી શરૂ થયેલી આ યાત્રા ટિંકલને પોતાની મહેનત અને પરિવાર તથા કોચ ના સહયોગ થી અત્યારે છેક રાષ્ટ્રીય લેવલે સુધી પોતે હોકી ટીમનો ભાગ બની ગઈ છે.
નાનપણ થી રમત ગમત પ્રત્યે રસ હતો સમય જતા 10 વર્ષ ની ઉમરે ટિંકલ એક ખેલાડી તરીકે હોકી માં પોતાનો શરૂઆત કરી હતી સમય જતા હોકી એ ટિંકલ ની એક અલગ ઓળખ બની ગયી
એક સામાન્ય પરિવાર માંથી આવતી ટિંકલ અત્યાર સુધી માં નૅશનલ સ્તરે હોકી ની રમત માં એક સારા ખેલાડી તરીકે પોતાની ટીમ માટે 3 વાર દિલ્હી, એક વાર ચંદીગઢ, એક વાર હરિયાણા, એક વાર રાજસ્થાન, એક વાર મધ્ય પ્રદેશ, એક વાર લખનૌ આમ 9 થી વધારે વખતે નૅશનલ સ્તરે ગુજરાત ની હોકી ટીમ તરફથી રમી ચૂકી છે
અત્યારે જ રમાયેલી 10 મી નેશનલ ટુનામેન્ટ માં ગુજરાત ની ટીમ બીજા સ્થાને રહી હતી ગુજરાત ની ટીમ નો પ્રતિનિધિવ કરતી ટિંકલ પોતાનું ,પોતાના પરિવાર તથા સમગ્ર બનાસકાંઠા નું ગૌરવ વધાર્યું છે
જો બનાસકાંઠા ની આ દીકરી ને યોગ્ય માર્ગદર્શન મળે તો આ દીકરી ગુજરાત લેવલે થી છેક ઇન્ટરનેશન સ્તર સુધી પહોંચી શકે એમ છે
રિપોર્ટર પ્રહલાદ પૂજારી,અંબાજી
