કપિલ પટેલ દ્વારા અરવલ્લી
ગુજરાત મિલ્ક માર્કેટિંગ ફેડરેશન અને સાબરડેરીના સંયુક્ત ઉપક્રમે 03/06 /25 થી 07/06/25 દરમ્યાન અરવલ્લી જિલ્લાના શામળાજી વેટરનરી થી સંલગ્ન દૂધ મંડળીઓ ના પ્રગતિશીલ દૂધ ઉત્પાદક ભાઈઓ તથા બહેનો કે જેઓ દૈનિક ૩૦ લીટર કે તેથી વધારે દૂધ તેમની દૂધ મંડળીમાં ભરાવે છે,
તેવા પ્રગતિશીલ દૂધ ઉત્પાદક ભાઈઓ તેમજ બહેનોની પ્રગતિશીલ દૂધ ઉત્પાદક વિકાસ કાર્યક્રમ અંતર્ગત પાંચ દિવસીય તાલીમ શિબિર યોજવામાં આવેલ. સદર તાલીમ શિબિરમાં સાબરડેરી અને ગુજરાત કો-ઓપરેટીવ મિલ્ક માર્કેટિંગ ફેડરેશનના ચેરમેન શામળભાઈ સાબરડેરી ના મેનેજિંગ ડિરેક્ટર સુભાષભાઈ સાબરડેરી na પર્સનલ મેનેજર એન એલ પટેલ,નિયામક મંડળના સભ્ય અને ભીલોડા વિસ્તાર ની દૂધમંડળીઓ નું પ્રતિનિધિત્વ કરતા ડીરેકટર કાંતીભાઈ , તથા મોડાસા વિસ્તાર ની દૂધ મંડળીઓનું પ્રતિનિધિત્વ કરતા ડિરેક્ટર શામળ ભાઈ તા . 04/06/25 ના રોજ સદર તાલીમ શિબિર માં હાજર રહી દૂધ ઉત્પાદકોને પશુપાલનના વ્યવસાય અંગે માર્ગદર્શન પૂરું પાડેલ.
સદર તાલીમ શિબિરમાં એ .એચ વિભાગના વડા તેમજ વિષય નિષ્ણાત વેટરનરી ડોકટરો મારફતે સભાસદોને વૈજ્ઞાનીક ધોરણે પશુપાલન કરી પોતાના વ્યવસાય થકી પશુ એકમ દીઠ મહત્તમ નફો મેળવે તે અર્થે તેઓને વ્યવસાયને લગત માહિતી પૂરી પાડવામાં આવેલ.
સદર મુળભૂત હેતુને ધ્યાને લઈ સંઘ ધ્વારા પશુ પોષણ, પશુ માવજત, પશુ આરોગ્ય અને પશુ સંવર્ધનના વિષયો પર ઉંડાણ પૂવર્ક સમજ આપવા તેમજ તેને લગત આજના સમયને અનુરૂપ આધુનિક વૈજ્ઞાનિક માહીતી પુરી પાડવા પ્રગતિશીલ દૂધ ઉત્પાદક વિકાસ કાર્યક્રમ (EDP) કરવામાં આવેલ છે. આ કાર્યક્રમમાં શામળાજી એમ પી ઑ વિભાગ ના ઈનચાર્જ હેમંતભાઈ પટેલ તેમજ સાબરડેરી ના કર્મચારીઓ શામળાજી શીતકેન્દ્ર ના કર્મચારીઓ હાજર રહ્યાં હતાં
