ઓનલાઇન ગૂગલ મેપ પરથી એકાંતમાં આવેલા મંદિરો શોધી ચાંદીના છત્રો અને દાગીનાની ચોરી કરતા હતા; અનેક ગુનાઓનો ભેદ ઉકેલાયો
ભાવનગર અને અમરેલી જિલ્લામાં છેલ્લા દોઢથી બે વર્ષ દરમિયાન વિવિધ મંદિરો અને માતાજીના મઢમાં થયેલી ચોરીઓનો ભેદ ઉકેલી પાલીતાણા રૂરલ પોલીસે આંતર જિલ્લા ચોર ટોળકીના ચાર સભ્યોને ઝડપી પાડ્યા છે પોલીસે આરોપીઓ પાસેથી ચોરીના મુદ્દામાલના વેચાણમાંથી મળેલી રોકડ સહિત કુલ અંદાજે રૂ. 6.35 લાખનો મુદ્દામાલ કબજે કરેલ
પાલીતાણા રૂરલ પોલીસ સ્ટેશનના ઇન્ચાર્જ પોલીસ ઇન્સ્પેક્ટર એમ.બી.જાડેજાના નેતૃત્વમાં ટીમે કાર્યવાહી હાથ ધરી હતી બાતમીના આધારે કુંભણ ગામની ઘોડીઢાળ ચોકડી નજીકથી ચાર શંકાસ્પદ ઇસમોને બે મોટરસાયકલ સાથે ઝડપી લેવામાં આવ્યા હતા.
તેમની પાસેથી રોકડ, મોબાઇલ ફોન અને અન્ય સામગ્રી મળી આવતા પૂછપરછમાં 26 જેટલા મંદિરો અને માતાજીના મઢમાં ચોરી કર્યાની કબૂલાત કરી હતી પોલીસ તપાસમાં ખુલ્યું છે કે આરોપીઓ ગૂગલ મેપની મદદથી ગામના છેવાડે આવેલા મંદિરો, દેરીઓ અને માતાજીના મઢ શોધતા હતા ત્યારબાદ ત્યાં જઈ મુખ્યત્વે ચાંદીના છત્રો, દાનપેટીની રકમ અને કેટલીક જગ્યાએ સોનાના આભૂષણોની ચોરી કરતા હતા
આરોપીઓ સામે તળાજા, ગારીયાધાર, ઘોઘા અને દાઠા પોલીસ સ્ટેશનમાં નોંધાયેલા ગુનાઓનો ભેદ ઉકેલાયો છે પોલીસે ચારેય આરોપીઓની ધરપકડ કરી વધુ પૂછપરછ શરૂ કરી છે અન્ય ગુનાઓમાં પણ તેમની સંડોવણી અંગે તપાસ ચાલી રહી
રીપોર્ટ નિલેષ ઢીલા ઉમરાળા
