Crime

અંકલેશ્વરની સુપર માર્કેટ પાસેથી શંકાસ્પદ લોખંડનો ભંગાર ભરેલા ટેમ્પા સાથે ત્રણ ઇસમોને LCB પોલીસે ઝડપી પાડ્યા

અંકલેશ્વરની સુપર માર્કેટ નજીકથી એલસીબી પોલીસે શંકાસ્પદ લોખંડનો ભંગાર ભરેલા આઇસર ટેમ્પા સાથે ત્રણ શખ્સની અટકાયત કરી હતી. પોલીસે તેમની પાસેથી રૂ. 7 લાખ 58 હજારનો મુદ્દામાલ કબ્જે કરી કાયદેસરની કાર્યવાહી હાથ ધરી છે.

લોકલ ક્રાઈમ બ્રાન્ચની ટીમ અંકલેશ્વર વિસ્તારમાં પેટ્રોલિંગમાં હતી. તે દરમ્યાન ભરૂચ તરફથી શંકાસ્પદ લોખંડનો ભંગાર ભરેલો આઇસર ટેમ્પો અંકલેશ્વર જીઆઇડીસીમાં આવી રહ્યો હોવાની ટીમના સભ્યોને માહિતી મળી હતી. જેના આધારે એલસીબી પોલીસે અંકલેશ્વરના સુપર માર્કેટ પાસે વોચ ગોઠવી હતી.

તે દરમિયાન ટેમ્પો આવતા તેને રોકી અંદર તલાશી લેતા લોખંડના પતરાના ટુકડા સહિતનો ભંગારનો જથ્થો મળી આવ્યો હતો. પોલીસે ટેમ્પો ચાલક રીઝવાન શેખ તેમજ ટેમ્પામાં સવાર નરપતસીંગ રાજપુરોહિત અને શેતાનસીંગ રાજપુરોહિત પાસે લોખંડના ભંગારના જથ્થા અંગે જરૂરી આધાર પુરાવા અને બિલ માંગતા તેઓ પાસે કોઈ રજૂ ન કરી અને સંતોષકારક જવાબ નહીં આપતા એલસીબી પોલીસે ત્રણેયની ધરપકડ કરી રૂ. 2 લાખ 28 હજારનો લોખંડના ભંગારનો જથ્થો અને 5 લાખનો ટેમ્પો, મોબાઈલ મળી કુલ રૂ. 7.લાખ 58 હજારનો મુદ્દામાલ કબ્જે કરી તેમની વિરુદ્ધ અંકલેશ્વર જીઆઇડીસી પોલીસ મથકમાં ફરિયાદ નોંધાવી હતી.

ભાવેશ મુલાણી, ભરૂચ.

GExpressNews | The latest news from India and around the world. Latest India news on Bollywood, Politics, Business, Cricket, Technology and Travel.

Related Posts

પંચમહાલ જિલ્લા પુરવઠા અધિકારી ડૉ.ભાર્ગવ ડાંગર દ્વારા ગોધરા તથા હાલોલની વ્યાજબી ભાવની દુકાનની તપાસ હાથ ધરાઇ

ગેરરીતિ બદલ દુકાનદારો પાસેથી કુલ રૂ. ૩૯૩૭૧/- જેટલી રકમનો દંડ વસુલ કરાયો એબીએનએસ,…

રૂ.૪૦,૦૦૦/-ના ચોરી થયેલ મોબાઇલ ફોન સાથે એક ઇસમને ઝડપી મોબાઇલ ચોરીનો ગુન્હો શોધી કાઢતી ભાવનગર લોકલ ક્રાઇમ બ્રાન્ચ

પોલીસ મહાનિરીક્ષક શ્રી ગૌતમ પરમાર,ભાવનગર રેન્જ,ભાવનગર તથા પોલીસ અધિક્ષક ડો.શ્રી…

દેશી બનાવટની પિસ્ટલ કિ.રૂ.૧૦,૦૦૦/- નાં મુદ્દામાલ સાથે એક ઇસમને ઝડપી પાડતી ભાવનગર પેરોલ ફર્લો સ્કવોડ

પોલીસ મહાનિરીક્ષક શ્રી ગૌતમ પરમાર, ભાવનગર રેન્જ, ભાવનગર તથા પોલીસ અધિક્ષક શ્રી…

અમદાવાદમાંથી ગેરકાયદેસર સોનુ અને મોંઘી ઘડિયાળો સહિત આશરે 100 કરોડથી વધુ મુદ્દામાલ જપ્ત કરતી ATS અને DRI

અમદાવાદ, સંજીવ રાજપૂત: અમદાવાદના પાલડી વિસ્તારમાંથી ગેરકાયદેસર ૮૭.૯૨૦ કિલો Gold…

1 of 90

Leave A Reply

Your email address will not be published. Required fields are marked *