રાધનપુર. અનિલ રામાનુજ, એબીએનએસ : પાટણ જીલ્લાના હારીજ-રાધનપુર હાઈવે પર CNG પેટ્રોલ પંપ નજીક ગઈકાલે રાત્રે એક ગંભીર અકસ્માત સર્જાયો હતો. રાધનપુર તરફથી આવી રહેલી એક કારે આગળ જતી બીજી કારને પાછળથી ટક્કર મારી હતી. ટક્કરના કારણે આગળની કાર રસ્તાની સાઈડમાં પાર્ક કરેલા કન્ટેનર સાથે અથડાઈ હતી.
આ ત્રિપલ અકસ્માતમાં કારમાં સવાર બે યુવાનોને નાની-મોટી ઈજાઓ થઈ હતી. ઈજાગ્રસ્ત યુવાનોને તાત્કાલિક 108 એમ્બ્યુલન્સની મદદથી હારીજ સામુહિક આરોગ્ય કેન્દ્ર ખાતે સારવાર માટે ખસેડવામાં આવ્યા હતા.
સદનસીબે આ અકસ્માતમાં કોઈ જાનહાનિ થઈ ન હતી. પોલીસ સૂત્રોના જણાવ્યા અનુસાર, રાત્રિના સમયે સર્જાયેલા આ અકસ્માતમાં મોટી દુર્ઘટના ટળી હતી. પોલીસે ઘટનાસ્થળે પહોંચી આગળની કાર્યવાહી હાથ ધરી છે.
