એબીએનએસ, એ.આર. પાટણ: રાધનપુર નગર પાલિકાના સાત વોર્ડ માટે ભારતીય જનતા પાર્ટી દ્વારા સેન્સ પ્રક્રિયા હાથ ધરવામાં આવી હતી.જેમાં સાત વોર્ડ માટે લગભગ 100 થી વધુ ઉમેદવારો પોતાના બાયોડેટા સાથે પ્રદેશમાંથી નક્કી કરેલ આગેવાનો સમક્ષ રજૂઆત કરી હતી.
રાધનપુર નગર પાલિકામાં છેલ્લા બે ટર્મ થી કોંગ્રેસ કબજો કરે છે. નગર પાલિકા કબ્જે કરવા ભારતીય જનતા પાર્ટી દ્વારા માઇક્રો પ્લાનિંગ કરવામાં આવેલ છે. પાલિકાના સાત વોર્ડ ના 28 ઉમેદવારો નક્કી કરવા માટે સોમવારના સવારે રાધનપુર માર્કેટ યાર્ડમાં હોલ ખાતે નગર પાલિકા ચુંટણીના પ્રભારી સ્નેહલ પટેલ,નિરીક્ષક દીપિકા બેન પ્રદેશ ભાજપ,સરદાર ભાઈ ધારાસભ્ય ખેંરાલુ, આશિષ ભાઈ દવે દ્વારા સેન્સ પ્રક્રિયા હાથ ધરવામાં આવી હતી.
નગરના સાત વોર્ડમાં ઉમેદવારી કરવા ઈચ્છુક લોકો પોતાના ટેકેદારો સાથે માર્કેટ યાર્ડ ખાતે આવી પહોંચ્યા હતા. પાલિકાના સાત વોર્ડ માં 100 જેટલા લોકો દ્વારા સેન્સ પ્રક્રિયા માં ભાગ લેવામાં આવ્યો હતો. બે ટર્મ થી કોંગ્રેસ ના શાસન દરમ્યાન શહેરમાં અનેક સમસ્યાનો લોકો સામનો કરી રહ્યા છે
ત્યારે નગર પાલિકામાં ભારતીય જનતા પાર્ટીનો વિજય થાય અને લોકોને સુશાસન મળે તેના માટે ભાજપ દ્વારા ઉમેદવારોની પસંદગી માટે સેન્સ પ્રક્રિયા હાથ ધરવામાં આવી હોવાનું સ્થાનિક આગેવાન દ્વારા જણાવવામાં આવ્યું હતું.
