અત્રેની શ્રી ગંભીરસિંહ જી હાઇસ્કૂલ વલભીપુર માં પ્રથમ પુજનીય વિઘ્નહર્તા ગણેશજીના આશીર્વાદ પ્રાપ્ત થાય એવા હેતુથી શાળા ના વિદ્યાર્થી ઓ દ્વારા ગણેશ મહોત્સવનું આયોજન કરવામાં આવ્યું છે જેમાં આજના દિવસે શાળા દ્વારા નવનિયુક્ત નગરપાલિકા પ્રમુખશ્રી વલ્લભભાઈ કાંબડ અને કારોબારી સમિતિ ના ચેરમેન શ્રી મહેશભાઈ વાનાણી ના હસ્તે ગણેશ પૂજન કરવામાં આવ્યું હતું.
આ સાથે જ નવનિયુક્ત બન્ને મહાનુભાવો નો સન્માન કાર્યક્રમ પણ રાખવામાં આવ્યો હતો જેમાં સૌ પ્રથમ વિદ્યાર્થીઓ દ્વારા પુષ્પગુચ્છ આપી સત્કાર કરવામાં આવ્યો હતો અને શાળા પરીવાર દ્વારા આચાર્યશ્રી ડૉ. હિતેન્દ્રસિંહ ગોહિલ ના હસ્તે શાલ ઓઢાડીને સન્માન કરવામાં આવ્યું હતું.
આ પ્રસંગે શાળા ના આચાર્યશ્રી મહેમાનો ને આવકારતા જણાવ્યું કે નવનિયુક્ત નગરપાલિકા પ્રમુખશ્રી અને તેમની ટીમ ને વિઘ્નહર્તા ગણેશજીના આશીર્વાદ પ્રાપ્ત થાય અને વલ્લભીપુર ની વિકાસયાત્રા અવિરત ચાલુ રહે એવી શુભકામના પાઠવી હતી.
આ તકે પ્રમુખશ્રી વલ્લભભાઈ કાબડ અને મહેશભાઈ વાનાણી એ શાળા પરીવાર ને જ્યાં જરૂર હોય ત્યાં હંમેશા સાથે છીએ એવી બાહેધરી આપી હતી. તમામ વિદ્યાર્થીઓ ની કામગીરી ને બિરદાવી હતી ઉજ્જવળ ભવિષ્યની શુભકામના પાઠવી હતી.
આ તકે સમગ્ર સ્ટાફ દ્વારા ભારે જહેમત ઉઠાવી કાર્યક્ર્મ સફળ બનાવ્યો હતો.સમગ્ર કાર્યક્રમ નું સંચાલન શાળા ના વ્યાયામશિક્ષક હિતેન્દ્રસિંહ એમ ગોહિલ દ્વારા કરવામાં આવ્યું હતું
અહેવાલ ધર્મેન્દ્રસિંહ સોલંકી વલભીપુર
