આજ રોજ આદ્યશક્તિ જનરલ હોસ્પિટલ અંબાજી ખાતે ભારતીય જનતા પાર્ટી તથા હિન્દુ હિત રક્ષક સમિતિ અંબાજીના અગ્રણીશ્રીઓએ હોસ્પિટલની મુલાકાત લીધી. હોસ્પિટલના અધિક્ષકશ્રી ડૉ. વાય. કે. મકવાણા સાહેબનું પુષ્પગુચ્છ અને માતાજીની સબી આપીને સન્માન કર્યું.
હોસ્પિટલના અધિક્ષકશ્રી ડૉ. વાય. કે. મકવાણા સાહેબ દ્વારા હોસ્પિટલમાં ચાલતી ગુજરાત સરકારની વિવિધ યોજનાઓ જેવી કે PMJAY, ડિલિવરી, ઇમરજન્સી સેવાઓ તથા દાખલ થયેલ દર્દીઓને સર્જીકલ તેમજ ઓર્થોપેડીક ઓપરેશન તથા મેડિકલ સારવારના દર્દીઓની સુવિધાઓ અંગે અગ્રણીશ્રીઓને માહિતગાર કરવામાં આવ્યા હતા.
ત્યારબાદ અગ્રણીશ્રીઓએ સમગ્ર હોસ્પિટલની અંદર દરેક વોર્ડ અને હોસ્પિટલની અંદર ચાલતી વિવિધ પ્રકારની સુવિધાઓની જાત નિરીક્ષણ કર્યું. અને દર્દીઓ સાથે વાતચીત કરીને દર્દીઓને મળતી સુવિધાઓ વિશે વિશેષ જાણકારી મેળવી હતી. આવેલ પદાધીકારીઓએ હોસ્પિટલની સુવિધાથી આત્મ સંતોષ વ્યક્ત કર્યો હતો.
હોસ્પિટલમાં આવનાર દિવસની અંદર કોઈપણ મદદની જરૂર હોય તો એમના તરફથી સંપૂર્ણ ખાતરી આપવામાં આવી હતી. હોસ્પિટલની અંદર રહેલા અધિકારીશ્રી/કર્મચારીઓના કાર્યને બિરદાવામાં આવ્યો હતો. હોસ્પિટલ મુલાકાતમાં પધારેલ તમામ મહેમાનોનું હોસ્પિટલ પરિવાર ખૂબ જ આનંદ અને ખુશીની લાગણી અનુભવે છે.
રિપોર્ટર પ્રહલાદ પૂજારી અંબાજી
