ભક્તરાજ દાદા ખાચર આર્ટસ એન્ડ કોમર્સ કોલેજ ખાતે વિદ્યાર્થીઓ માટે ઓરિએન્ટેશન કાર્યક્રમ તથા નિષ્ણાંત વ્યાખ્યાનનું આયોજન

ભક્તરાજ દાદા ખાચર આર્ટસ એન્ડ કોમર્સ કોલેજ ગઢડા (સ્વા.)માં તારીખ 05/08/2026 ના રોજ નવા વર્ષની શૈક્ષણિક શરૂઆત નિમિત્તે પ્રથમ વર્ષના આર્ટસ અને કોમર્સ વિભાગમાં પ્રવેશ મેળવેલ વિદ્યાર્થીઓનો ઓરિએન્ટેશન કાર્યક્રમ તથા સપ્તધારા -ખેલકુદ વ્યાયામ અને યોગ ધારા અંતર્ગત નિષ્ણાંત વ્યાખ્યાનનું સંયુક્ત આયોજન કરવામાં આવ્યું..

આ કાર્યક્રમમાં અતિથિ વિશેષ તથા નિષ્ણાત વ્યાખ્યાતા તરીકે મ.કૃ.ભા.યુનિ.ના શારીરિક શિક્ષણ વિભાગના નિયામક ડૉ. દિલીપસિંહ ગોહિલ ઉપસ્થીત રહ્યા હતા કાર્યક્રમમા કોલેજના આચાર્ય ડૉ. એચ.વી. સેંજલિયા સાહેબે મહેમાનનુ શાબ્દિક સ્વાગત કરીને વિદ્યાર્થીઓને કોલેજના નિયમો, શૈક્ષણિક વાતાવરણ અને અભ્યાસની પદ્ધતિ અંગે માર્ગદર્શન આપ્યું. વિવિધ વિભાગોના અધ્યાપકોએ અભ્યાસક્રમ, પરીક્ષા પદ્ધતિ, હાજરીના નિયમો તેમજ કોલેજમાં ઉપલબ્ધ શૈક્ષણિક સુવિધાઓ વિશે માહિતી આપી.

આ કાર્યક્રમ દરમિયાન કોલેજમાં કાર્યરત વિવિધ સમિતિઓ સપ્તધારા, ફિનિશિંગ સ્કૂલ, સ્કોપ, CWDC, ICC, SSIP, SRC, NSS, NCC, UDISHA, RUSA, CAWACH, ANTI RAGING, પંચ પ્રકલ્પ, રમતગમત વિભાગ અને ગ્રંથાલય વિભાગ દ્વારા થતી વિવિધ પ્રવૃત્તિઓનો પરિચય આપવામાં આવ્યો.

વિદ્યાર્થીઓને વિવિધ પ્રવૃત્તિઓમાં સક્રિય ભાગ લેવા માટે પ્રોત્સાહિત કરવામાં આવ્યા.
સમગ્ર કાર્યક્રમ નું આયોજન કોલેજના આચાર્ય શ્રી ડૉ. એચ. વી. સેંજલિયાના માર્ગદર્શન હેઠળ IQAC કો ઓર્ડીનેટર ડો. રાજેશભાઈ કોઠારી અને સપ્તધારાની -ખેલકુદ વ્યાયામ અને યોગધારાનાકૉ-ઑર્ડીનેટર ડૉ ચંદ્રકાન્ત ગોહેલ તથા સપ્તધારા ક્ન્વીનર ડૉ. વિમળા ચૌધરી દ્વારા સંયુક્ત આયોજિત કરવામાં આવેલ.