વિકસિત ભારત સંકલ્પ યાત્રા ઘોઘા મુકામે આવી પહોંચતા ઘોઘાના રહેવાસી દિવ્યાંગ આશાબેન જગદીશભાઈ બાંભણિયાએ સમાજ સુરક્ષા ખાતાની યોજનાઓ વિશે મેરી કહાની અંતર્ગત લોકોને માહિતગાર કર્યા હતા.
શ્રી આશાબેન બાંભણિયા એ જણાવ્યું હતું કે તેઓ તથા તેમના પતિ દિવ્યાંગ હોય તેમને બસપાસ,સાધન સહાય યોજના અંતર્ગત તેમના પતિ જગદીશભાઈને શાકભાજીની લારી અને આશાબેનને સિલાઈ મશીન નો લાભ,આ ઉપરાંત અને દિવ્યાંગ પેન્શન યોજનાનો લાભ મળેલ છે.
આ ઉપરાંત એમની દીકરીને સેરેબલપાલ્સી હોઇ એમને પણ પેન્શન યોજના નો લાભ મળતો હોય તેઓએ સરકારશ્રીની વિવિધ યોજનાઓનો લાભ મળવા બદલ આભાર માન્યો હતો.
