પોલીસ મહાનિરીક્ષક શ્રી ગૌતમ પરમારસાહેબ,ભાવનગર રેન્જ તથા પોલીસ અધિક્ષક શ્રી ડો.હર્ષદ પટેલ સાહેબે ભાવનગર,લોકલ ક્રાઇમ બ્રાન્ચ પોલીસ ઇન્સ.શ્રી કે.એસ.પટેલ,પો.સબ ઇન્સ. શ્રી બી.એચ.શીંગરખીયા,શ્રી પી.બી.જેબલીયા,એલ.સી.બી.ના પોલીસ કર્મચારીઓને ભાવનગર શહેર-ગ્રામ્ય વિસ્તારમાંથી વણશોધાયેલ મિલ્કત સંબંધી ગુન્હાઓ શોધી કાઢવા માટે સખત સુચના આપેલ.
તા.૧૦/૦૨/૨૦૨૪ના રોજ ભાવનગર,લોકલ ક્રાઇમ બ્રાન્ચનાં માણસો ભાવનગર શહેર વિસ્તારમાં મિલ્કત સંબંધી ગુન્હાઓનાં શકદારોની તપાસ સબબ પેટ્રોલીંગમાં હતાં.તે દરમ્યાન ઘોઘા સર્કલ પાસે આવતા લીલા કલરનો શર્ટ તથા ભુરા કલરનું જીંસ પેન્ટ પહેરેલ એક માણસ જવાહર મેદાન પાછળ,ગોળીબાર હનુમાનજી મંદિર પાસે ઉભેલ છે.જે આવતાં-જતાં માણસોને મોબાઇલ બતાવી વેચાણ કરવા માટે પુછપરછ કરે છે.જે મોબાઇલ ફોન તેણે કયાંકથી ચોરી કરેલ હોવાની શંકા અંગેની માહિતી મળતાં બાતમીવાળી જગ્યાએથી નીચે મુજબનાં માણસ નીચે મુજબનાં મોબાઇલ ફોન સાથે હાજર મળી આવેલ.જે મોબાઇલ ફોન તેણે ચોરી અગર તો છળકપટથી મેળવેલ હોવાનું જણાતું હોય.જે મોબાઇલ ફોન કિ.રૂ.૧૩,૦૦૦/- ગણી તપાસ અર્થે કબ્જે કરેલ.આ મોબાઇલ ફોન વિશે પુછપરછ કરતાં તેણે આ મોબાઇલ ફોન આજથી ચારેક મહિના પહેલાં જવાહર મેદાનમાંથી મેળામાંથી ચોરેલ હોવાનું જણાવેલ.જે અંગે કાયદેસર કાર્યવાહી કરી ઘોઘા રોડ પોલીસ સ્ટેશનમાં સોંપી આપવામાં આવેલ.
આ કામનો પકડાયેલ ઇસમ અશોકભાઈ બોઘાભાઈ વાઘેલા ઉ.વ.૨૨ ધંધો.મજુરી રહે.દેવીપુજકવાસ,એકતા સોસાયટી,શિહોર જી.ભાવનગર
કબ્જે કરેલ મુદ્દામાલઃ-સેમસંગ કંપનીનો ગેલેક્ષી એફ/૨૩ મોબાઈલ ફોન કિ.રૂ.૧૩,૦૦૦/-
શોધી કાઢેલ ગુન્હોઃ-ઘોઘા રોડ પો.સ્ટે. એ પાર્ટ ગુ.ર.નં. ૧૧૧૯૮૦૦૬૨૩૧૯૪૨/૨૦૨૩ ઇ.પી.કો. કલમઃ-૩૭૯
આ સમગ્ર કામગીરી કરનાર પોલીસ સ્ટાફ પોલીસ ઇન્સ.શ્રી કે.એસ.પટેલ,પો.સબ ઇન્સ.શ્રી બી.એચ.શીંગરખીયા,શ્રી પી.બી.જેબલીયા તથા સ્ટાફનાં અનિરુધ્ધસિંહ ગોહીલ,બાબાભાઈ હરકટ,એઝાઝખાન પઠાણ જોડાયેલ હતાં.
